ياخوفي من نيفيز

[لورانس الزعيم]

السلام عليكم ورحمة الله وبركاته,,,,,,

كيفكم حبايبي جميعا حاب اناقش معاكم موضوع مسبب لي قلق

واتمنى تكون الردود مافيها عواطف او مزنه .

كل واحد يقول اللي هو شايفه.

بدون مقدمات ولاكثر هرج وش رايكم بالبرازيلي نيفيز ؟

ادري الحين بتنط بحلقي اختنا (زعامتي سر غروري )

بتقول انت مستعجل توه ماتأقلم مع المجموعه.

ادري انه لاعب دولي وفنان . لكن اللاعب الكبير تشوف اقل شي لمسات تطمنك

شوي وانا بصراحه الى ما بعد مباراة اتلانتا ماشفت شي يطمن .الدوري باقي عليه

اسابيع ولاتنسوا ان مركزه حساس وبقوه بعد والله يستر .


هاه وش رايكم متشأم صح؟

[~الــفــيــصــل~]

بالحيل متشائم ,,,

ياخي ما تابعت مباراة برمنجهام , والله ياهو سوا العجايب ,,

لا ماعليك ان شاء الله انه تمام ,

[زعامتي>سـر<غروري]

وعليكم السلام ورحمة الله وبركاته
ههههه بس من جـد يبـي وقــت عشان يتأقلـم وبعـدين اللاعـب برازيـلي
يعـني مسـتحـيل مايـقدم شـي وعـن نـفسـي متـفائـله فيـه جــدا
ع الأقل بيكــون أحــسن من طارق التـايـب اللي 24ساعه مصـاب
ولاتنسـى تـوه جـاي ماصار له شــهر ياربــي والله إنـكـ متـحمس
وإن شـاء الله راح تــكون أول شخــص يمــدح فيـه

دمـــت بـود وآسفـه ع الاطالـه

[لورانس الزعيم]

انا قايل من يوم اكتب الموضوع اني خايف منك يازعامتي سر غروري. يارب يطلع عكس احساسي

اما انت اخوي الفيصل بعد ماقلت احسن نادي الجبلين اللي تقوله يصير يابعدي

[عذبة المنطوق]

يا ابن الحلال تعوذ من الشيطان واتفل على يسارك بس انتبه لايكون على يسارك احد هع

لا نقول ان شاء الله انه لحيتن غانمه ووجهن سفر

بس انت اصبر ياولد

http://msa6el.com/vb/images/smilies/fl.gif

[رشيد السلمي]

والله تابعت مباراتنا مع اتلانتا

حسيت عنده لمسات فنية

بس وربي ما يتقارن بالبرنس الليبي

[لورانس الزعيم]

ياعذبة النمطوق لحيتن غانمه اجل . ليه تبينه يعزم اهل العريجاء في المشب .

اخو رشيد من زمان على ردودك عسى ماانت زعلان علي . البرنس ماله خليفه

[هلالي رافع الراس]

أنا من عشاق التائب ولاكن نيفز لاعب رائع وقد تابعته مع فريقه السابق
كان ممتع بمعنى الكلمة لاعب جماعي ينقل الكرة في جميع أنحاء الملعب
وبسلاسهودقه متناهيه وكما أنه له طريقه في التصويب
تجعل الحارس ساكن داخل المرمى لا يتحرك ...
أحبابي أقل شئ يقال عنه إنه (ممتع وباهر) أنتظروه بعد 9 أيام

[دستور الحب]

صعبه نحكم عليه من ها الوقت المبكر اخوي

لا تنسى انوه جاي مباشره من اجازه اسمترة قرابة الشهر

ودخل والاعبين منتهين من مرحلة اللياقه

يعني صعبه نحكم عليه بها السرعه

وحتى لو ما افادنا وما صار عندهـ اي شي

نقدر نستفيد من الفاولات فهو قناص وماهر فيه

الى فترة الانتقالات الثانيه ويتغير

عمومن انا واثق من انه راح ينسينا التايب

ولا تنسى انوه حالين فيه من يحل مكانه لا سمح الله

الدوسري الشلهوب الفريدي والقائمه طويله

ما اشوف اي مبرر لـ القلق

[لورانس الزعيم]

يعطيك العافيه

اتفق معك في ما قلت