قصيدة للمدع محمد الحويماني

[قايد الريم]

قصيده للشااعر المبدع " محمد الحويماني "

في نادي الهلال السعودي




القصايـد بهـا رجم...ومسيـل ...وسـهـال

......كنهـا الارض سبحـان العزيـز الحكيـم

ماأذكـر انـي رضيـت الا بـشـم الجـبـال

......لين ماعدت أشوف الا السماء لي خصيم!

إيه وإن جيت أبأحكـي عنـك وأنـت الهـلال

.......صرت مثل الزعيم اللي يصافح زعيـم !

يأصدق مـن الحقيقـه وأكبـر مـن الخيـال

.......ياأقرب من الوفا عند الصديـق الحميـم

ماعلـى عشقـك الصـادق بقلبـي جــدال

.......ولا ورى صبحك الواضح بعيني سديـم

أزرقك مـن سمـو ..وأبيضـك مـن تعـال

........وفي شعارك تباهى الآرض فخر وتهيـم

يكفـي إنـك مقلدهـا (احدعشـر هــلال )

......والسمـاء ماتشيـل ألا هـلال ٍ يتيـم !!

يالهلال ان بغيـت أوصفـك وأضـرب مثـال

.......قلت مايشبهك غيـر السحـاب العظيـم

إن ظمـا ..صـدر مـن حبـك قــراحٍ زلال

........وان ظما صدر من ضدك ...عقابٍ وخيم

فأنتصـارك يصيـر الفـوز (سـر الجمـال )

.....وفإنكسارك يجي للحـزن قـدرٍ حشيـم !!

لاعبينـك سيـوف وفـي مـلامـح رجــال

.....وعاشقينك مثل موج البحـور الطميـم !!

وأن ترشحـت يابـنـدر زعـيـم الـهـلال

.......أعرف بسر كونك يالهلال ...الزعيـم !!






أتمنى أن تنال اعجابكم وترقى لذائقتكم ..

[رشيد السلمي]

مبدع مبدع مبدع هالشاعر الله يوفقه

والله اني احبة من برنامج شاعر المليون

ولما اعلن هلاليته حبيته زود

مشكوووووور ياقايد الريم على هالنقل

[قايد الريم]

المبدع انت بالرد يارشيد

مشكور ع المرور

لك ودي

[~الــفــيــصــل~]

حلوووووووووة القصيده والاحلى ناقلها

[قايد الريم]

تسلم يا الفيصل

ومشكووووور ع المرور

[دستور الحب]

تسلم اناملك على النقل الـ اروع حتى الان

تسلمة لـ اختيارك الجميل