المجالس

[ابو رهف]

وقت تغير وأكثرالناس يشكون
يشكون من التغيير بوضع المجالس
@00@
مجالس ماهي على مايتمنون
تغييرها اصبح يثير الهواجس
@00@
بدابه التغيير عن مايخبرون
يوم المجالس للمراجل مدارس
@00@
يوم المجالس له رساله ومضمون
نبراس يوضي لك لوالليل دامس
@00@
يوم الشكالة له قوانين وفنون
تاريخها أقفى ولاهو بناكس
@00@
فيها نتذكر ماضي يطرب الكون
تاريخ نفخربه جديد ودارس
@00@
كل واحد منا بما ضيه مفتون
ونعشق علوم الخيرين الفوارس
@00@
أجدادنا اللى لصادق الجود يبنون
تركوا تراث كالدرروالنفايس
@00@
نفايس أمجادو للخير يعطون
عانوا ظروف كلما به معاكس
@00@
يزهي بهم التاريخ وهم فيه يزهون
كانوا على بيبان الأمجاد حارس
@00@
من عقبهم شفنا الأدب صار مغبون
ماتستمع كلمه لعقلك تلامس
@00@
كل الرجال بوقت واحد يهرجون
من جنس واحد بس مامن تجانس
@00@
في ذالزمن تلاحظ رجال يسيئون
لبعض المعاني والقيم والأشاوس
@00@
ناس توزع شك ماكن يدرون
شغله تروج حكي لوهي دسايس
@00@
أدات نقل وللنما يم يبثون
كل واحد منهم على الكذب لاهس
@00@
بكل الزوايا فيه ثنين يتنا جون
واللي على الجوال يلجلج مشاكس
@00‌@
ياذالزمن وش بك تلون بكم لون
يحتاربك عقل الفهيم المعالس
@00@

شعر: سعيد محمد السالم

[فهــد الحربـي.]

كل الرجال بوقت واحد يهرجون
من جنس واحد بس مامن تجانس

ما رااق لك راق لي .
مشكور يالمديــر

[كش ملك]

صح لسان الشاعر وتسلم ذائقتك
الحين ياجدي صارت المجالس كلها اي فون ولاب توب
ماعاد به لاسوالف (ن) زينه والا شينة

[~الــفــيــصــل~]

يسلم راسك يابو رهف , على الذائقه الرائعه ,

والله مثل ما قال كش ملك الوضع تغير بالحيل ,

كلن مبقق عيونه بجواله :sad_smiley:

[محبك يافهد الروقي]

بسم الله ا لرحمن الرحيم

صح لسان الشـاعر ويعطيك العافيه يالمدير. .

راق لي مما ارق لك .
/

تقبل مروري

[~ عين السيح ~]

يعطيك العافيه يا جدي

والمجالس ما عاد هي مثل أول
وين سواليف اول قصص وقصيد وعلوم ومراجل

[ابو رهف]

الله يسلمكم على المرور ياجدي انتم كذا ياكش ملك وعين السيح ههههه

الف شكر على مروركم لاخلا ولاعدم احبتي....