"""||الحــــكــــم||"""

[~الــفــيــصــل~]

بسم الله الرحمن الرحيم



وشلونكم ايها الاعضاء اللي وش حليلكم ,,,,,,

ان شاء الله تمام ,,

انا اليوم ابي اكتب عن الحكم ,, وهذا عقب تصريح الهزاع رئيس القادسيه ,,

انا مدري الى متى والحكم دائماً مسؤول ,,

عن اي خطأ حتى لو كان صغير جداً ,,,,

جميع الانديه بلا استثناء تتكلم عن الحكم ,, طبعاً فيه انديه تحذر وفيه انديه

تشتم ,, وفيه انديه تدخل بالذمم ,,

كاننا تجردنا من قيمنا الاسلاميه ,,

وكأن الحكم جماد لامشاعر ولا احاسيس ,,

والله حتى لو الحكم اخطأ بحق الهلال يكون عادي عندي ,,

طبعاً هذا الكلام ما يمنع انه فيه حكام ما ياصلون انهم يحكمون درجة ممتازة ,,

وانا هنا ابي اعرف مشاعركم انتم تجاه الحكم اذا اخطأ بحق الهلال ؟

هل نضع اللوم عليه ؟

هل تقوم الدنيا عليه ؟

طبعاً اذا انهزم الفريق <<< اي فريق ,,

اول ما يتوجه للحكم سيدا ,,

طيب وين لعيبتك وقت المباراة ,, الــــ 90 دقيقه

وانا بصراحه اتمنى ان اللي يتكلم على الحكم من اي فريق ,,

انه يعاقب بأشد العقاب ,,

ودي اعرف ارائكم تجاه الحكم اذا اخطأ





واخيراً الله يكون بعون الحكام .,.,.,.,.

[زعامتي>سـر<غروري]

الحـمدلله ماقـد سبـيت الحـكم

والنـصراويين اللي عنـدي كـل شـي على الحـكم ولا قـد سبـوا لعـيبـتهم!!!

و ماأدري وش السـبب!!!

ماأقـول غيـر الله يعـين الحـكام قـسم لوأصير حـكم أعـتزل من ثانـي يـوم!!!


وتـشكر خــيو

[~الــفــيــصــل~]

العفو يالزعيمه ,,,


وانتي الصادقه والله لو الواحد حكم ,,


كان اعتزل من اول مباراة ,,

[سامي]

بعض الاعبيين اذا شاف الاداره بعد كل مباراه تتكلم في الحكم .. راح يخلونها شماعه للهزيمه

واي خطأ للحكم في بداية المباراه تشوف الفريق يلعب بدون نفس ..

ولك في الجار عبره ..

[~الــفــيــصــل~]

بعض الاعبيين اذا شاف الاداره بعد كل مباراه تتكلم في الحكم .. راح يخلونها شماعه للهزيمه

واي خطأ للحكم في بداية المباراه تشوف الفريق يلعب بدون نفس ..

ولك في الجار عبره ..



والله انك صادق يا سامي ,,


وهذا هو اللي دااااااااامرنا ,,,

اذا الواحد ما قدم مستوى التفت للحكم ,,

اشكرك على مرورك

[لورانس الزعيم]

والله يالفيصل ولايهونون سامي والزعيمه اني لي اصدقاء لاعبين من الانديه اللي تحط الحكام شماعه

يقولون المباراه اللي مانلعب فيها صح نحاول نمثل ونستفز الجمهور عشان يشب على الحكم ونصرح بعد المباراه تصريح على الحكم .
خلاص نتشغل الاداره بالحكم ولاتطالبنا بشي

[tareq66]

موضوع رائع منك يا لفيصل لنقاش

انا بالنسبه لى و بدون مجاملات ما ارتاح للحكم السعودي انه يحكم للهلال

شفنا بمباراة الهلال و القادسيه كيف الحكم ما احتسب للهلال ضربات جزاء و اضحه

المشكله الحكم كان قريب منها

طيب لو الهلال تعادل في المباراه و خسر نقطتين من اللي يعوض الهلال ؟

راح يرج ترتيبه و راح يصعب عليه

ياريت الحكم الاجنبى يكون متواجد في كل مباريات الدوري السعودي

[~الــفــيــصــل~]

والله يالفيصل ولايهونون سامي والزعيمه اني لي اصدقاء لاعبين من الانديه اللي تحط الحكام شماعه

يقولون المباراه اللي مانلعب فيها صح نحاول نمثل ونستفز الجمهور عشان يشب على الحكم ونصرح بعد المباراه تصريح على الحكم .
خلاص نتشغل الاداره بالحكم ولاتطالبنا بشي

والله يا لورانس ما ندري ,,

الحين اللعيبه صارو افضل من كثير من الممثلين ,,

طيب وش ذنب الحكم اذا هم ما قدموا مستوى

[~الــفــيــصــل~]

موضوع رائع منك يا لفيصل لنقاش

انا بالنسبه لى و بدون مجاملات ما ارتاح للحكم السعودي انه يحكم للهلال

شفنا بمباراة الهلال و القادسيه كيف الحكم ما احتسب للهلال ضربات جزاء و اضحه

المشكله الحكم كان قريب منها

طيب لو الهلال تعادل في المباراه و خسر نقطتين من اللي يعوض الهلال ؟

راح يرج ترتيبه و راح يصعب عليه

ياريت الحكم الاجنبى يكون متواجد في كل مباريات الدوري السعودي



حيااااك ربي منورنا ,,,


بس وش الفايده اذا جاء الحكم الاجنبي ,,,

انا عن نفسي ودي نسوي تبادل بين الحكام ,,,

يعني حكامنا يروحون يحكمون بالخليج وحنا نجيب من الخليج ,,,

او اوربا وين المشكله

[مفأإهيم أنثـ ى]

صحيح نقد الحكم مبالغ فيه

لكن مافي حل يعني دائما اللي ينتقد الحكم هو المستفيد

والدليل سكوت الامير عبدالحمن لمدة موسم كامل خرج منه بدون فائده وزياده عليها مع ضرر

لكن اعلام النصر قبل كل مباراة تلقاه يقطع في الحكم ولم تبدا المباراة نلقاه هو المستفيد من نقد الحكم ومع كذا بعد كل مباراة تلقاه ينقد الحكم

يعني لو كانت فيه حكام صح ولا يتاثرون بالاعلام ولا بالنقد كان مالقيت احد ينتقد حتى لو فيه الف خطا

يعني عندك التحكيم الاجنبي لمم يحكم مباراة ماتلقى عليه اي كلام قبل المباراة او بعده بينما العكس مع الحكام المحليه وكل النقد والكلام عن الحكم مو عشان المباراة لغايه في المستقبل يعني عشان المبااة الجايه

[~الــفــيــصــل~]

حياك ربي اختي ,,,

يعني من كلامك الحكم مفتقد للثقه ,,,

وهذا الشي انا استبعده ,,,,

لان احكم يتاثر نفسياً من الكلام الجارح

[مفأإهيم أنثـ ى]

وهو هذا اللي اقصده تاثره النفسي ياثر على قراراته في المباراة

بس لو كان الحكم يملك الثقه بالنفس ما تاثر بأي نوع كلام يوجه له

[~الــفــيــصــل~]

منورتنا مرة ثانيه ,,

بس وش فايدة الثقه اذا الانسان يسمع كلام جارح

الحكم عندنا ماهو زي الحكم باوربا عندنا عادات وتقاليد ,,

يعني لو احد يتكلم فيه يمكن يقبلها لكن اهله وعياله اكيد ياثرون فيه من الكلام اللي يسمعونه

ويمكن ياصل الكلام الجارح لأهله وناسه ,,